The Guardians of the Galaxy Holiday Special (te reo Māori)
NZ release: 25 November 2022
Te taikaha me te reo hakihaki Rated on: 09 December 2022
He aha tōna kaupapa?
E pāpouri ana te āhua o Quill i te ngaronga o Gamora. Ka haere a Mantis rāua ko Drax ki Papatūānuku ki te kāhaki i te hautipua a Quill, arā i a Kevin Bacon, kia koa ai a Quill hei te Kirihimete.
Ngā meka
- Ringatohu: James Gunn
- Wā whakaatu: 45 mineti
- Kei roto ko te kāhui kiriwhakaari o Guardians of the Galaxy, kua huitahi mō tētahi whakaaturanga mīharo mō ngā rangi whakatā o te Kirihimete
He aha i pēnei ai te pāpātanga?
Nā Disney tonu te pāpātanga whaiaro o te kiriata engari i tirohia hoki e tō mātou Tari. Ka taea e koe te rapu kōrero anō mō te pāpātanga whaiaro a ngā kaiwhakarato pāho tikinoa ki konei.
Taihara
He kāhakitanga. He pukuhohe, he motuhenga-kore te kāhakitanga. Nā te āhua o te whakaatutanga, ka ngākau aroha te kaimātakitaki ki te pārurenga.
Te taikaha
Tērā ētahi wā ka whanawhanaia ngā pirihimana, he wā anō ka meke a Drax i tētahi tangata mau pūeru i muri. He motuhenga-kore te mahi taikaha, he ngāwari, otirā ka whakaatutia i runga anō i te mōhio kei te hē.
Te reo hakihaki
Ka whakamahia te kupu “damn” e ngā kiripuaki i te wā e āritarita ana ngā piropiro, ā, ka whakamahia te kupu “sh*t” hei kupu mō te hamuti.
