Nope (te reo Māori)

He taikaha, he kāpeka mōkinokino, he reo mōrihariha Rated on: 01 August 2022

Nope (quick take)

He aha tōna kaupapa?

Nō muri i te mate pōkīkī o tō rāua matua, ka tūhura a OJ rāua ko Emerald Haywood i tētahi āhuatanga kāhuirangi nō ao kē i tō rāua pāmu hōiho e punanga ana kei Karepōnia.

Hei taua wā tonu rā, ka mahara te whetū whakaari tamariki o mua, a Ricky ‘Jupe’ Park, ki tētahi āhuatanga pāmamae nō te wā i mua, ā, nāwai rā, ka tūpono whai hononga ki ngā mahi whakamatuku kei te pāmu hōiho.

Ngā meka

  • Ringatohu: Jordan Peele
  • Wā whakaatu: 130 miniti
  • Reo Ingarihi
  • Kei te rite a Nope ki ngā kiriata o mua a Peele pēnei i a (Get Out; Us), arā ka whai pānga a Nope ki ngā kaupapa o te whakatoihara ā-iwi me te whakahāwea.

He aha i pēnei ai te whakapāpā?

I te tuatahi, i whakapāpātia ā-pāho-maha te kiriata ki te “M” e te Rōpū Tapanga Kiriata, Ataata hoki engari i mahara kē te Kairāhui Whakaaturanga Matua me whakapāpā ka tika. I pēnei ia nō te whānuitanga o ngā momo whakapāpā kua tukuna ki tēnei kiriata puta noa i te ao, ā, nō te mea hoki kua whakawhiwhia ā Peele kiriata o mua ki te whakapāpā pakeke ake.

Ka taea e koe te rapu mōhiohio mō te whakapāpā ā-pāho-maha ki konei.

He mōkinokino

E aro ana tēnei kiriata ki tētahi koiora rāwaho ka whai kai mā te urupuhau ka hua i tōna pokapū pōuri ka ngongo haere i ngā mea katoa o te takiwā. He maha ngā wā ka kitea te hōiho me te tāngata e kainga ana. Kei te tino raupapa e pēnei ana, ka ngongotia tētahi mātoru nui i tētahi papa rēhia tū-ā-nuku. Kei te kitea pototia tētahi pārurenga e umere ana, e whawhai ana i roto i ngā whēkau kita, ngāwari hoki o te koiora rāwaho.

Tērā hoki ētahi atu kāpeka, he whakaohorere peke, he ua toto, he wharanga toto hoki. Ka raua atu ki tēnei ko tētahi tāne ka pāngia e te moni uka ka taka i te rangi, ka wero i tōna upoko mā tōna whatu matau.

Te taikaha

Ko te wāhanga tino whai pānga o te kiriata kāore e hāngai ana ki te koiora rāwaho engari ka hāngai kē ki tētahi āhuatanga pāmamae nō te wāmua o Ricky, arā nō te wā i mahi ia hei kaiwhakaari tamaiti. Ka kitea tēnei i te tīmatanga o te kiriata me ētahi tirohanga tōmua kei tōna roanga atu.

Nō te wā ka hopukina tētahi hōtaka whakakata, ka pōrangi tētahi makimaki ko Gordy te ingoa, ka nguha, ka tukipoto ki ngā kaiwhakaari. Ka whakaatuhia te tukipoto nō te tirohanga o Ricky i a ia e huna ana ki raro i tētahi tēpu. Ka kite ia i āna hoa whakaari e rua e tukia ana. He tino ngaunga puku ngā orotaunaki, ā, ka whai pānga te taikaha ahakoa kei te marohitia te nuinga.

E whakapaetia ana tērā ka auhi ngā tamariki i tēnei kāpeka, kāore pea e taea e rātau te whakanoho tēnei ki ngā kaupapa whānui o te kiriata. Ka auhi hoki ngā taiohi me ngā pakeke hoki i tēnei kāpeka, engari kei te maharatia ka whai mōhiotanga kia mārama ka pēnei te āhua o ngā kararehe mohoao i ētahi wā. Mō ētahi atu mōhiohio tirohia tā mātau rangitaki "Is Jordan Peele’s Nope a horror?"

Te reo mōrihariha

Ka whakamahia tēnei momo reo hei kupu whakakaha, hei kupu tūhau rānei. Kotahi te whakamahi a Emerald i te kupu F mō te ai te take. Ka whakamahia tētahi kupu whakatoihara iwi ki tētahi āhuatanga hahani-kore.

He Mōhiohio Anō

He kiriata whakamataku rānei a Nope nā Jordan Peele?

Ko te kōrero ki ngā rangatahi e mātakitaki ana rātau i te aha

He kiriata mōkinokino, he oro whakamataku, he toronga moe whakahōhā

He aha te whai pānga mai o te whakapāpā me ngā whakatūpato ki a mātau ko tōku whānau?

Recent featured decisions

02 September 2022

The Lord of the Rings: The Rings of Power

Episodes 1 & 2: A Shadow of the Past & Adrift

Violence

Set thousands of years before the events of J.R.R. Tolkien's The Hobbit and The Lord of the Rings, the series follows an ensemble of characters who live during the Second Age of Middle Earth, and who are met with the re-emergence of evil.

Read more

22 August 2022

House of the Dragon

Episode 1: The Heirs of the Dragon

Violence, language, sexual content and content may offend

King Viserys Targaryen celebrates the impending birth of his son and heir by hosting a jousting tournament, but is then met with an impossible decision.

Read more