What We Do in the Shadows (te reo Māori)
NZ release: 21 November 2014
He whakarekereke, he reo mōrihariha Rated on: 23 May 2014
He aha te kaupapa?
E toru ngā vampire - ko Viago, rātou ko Deacon, ko Vladislav - e okeoke ana ki ngā taumahatanga o ia rā o te ao hou, pērā i te utu rīhi, i te whakaoti i ngā mahi i te kāinga, i te whakatau i ngā raru ki ngā hoa noho, o te kuhu atu ki ngā karapu pō anō hoki. Ka huri haere tō rātou ao ina tīmata tētahi ope pakipūmeka ki te whai i a rātou.
Ngā meka
- I tuhia, i tohua hoki e Taika Waititi (Hunt for the Wilderpeople) rāua ko Jemaine Clement (Flight of the Conchords).
- Ko Jemaine Clement, rātou ko Taika Waititi, ko Jonathan Brugh, ko Ben Fransham, ko Cori Gonzalez-Macuer, ko Stu Rutherford, ko Jackie van Beek ngā kaiwhakaari matua, nō Aotearoa rātou
- Ngā Reo: te reo Ingarihi, te reo Tiamana, te reo Paniora, te reo Ratini
- Wā whakaatu: 86 mineti
Koinei tētehi o ngā kiriata i tino kaha katoa te hokona o ngā tīkiti, o ngā kiriata katoa kua puta i Aotearoa mai rā anō.
He aha i whiwhi ai i tēnei whakatauranga?
I whakatau whakawhitihia tēnei kiriata e te Film and Video Labelling Body. Ka taea e koe te rapu mōhiohio anō mō te whakatauranga ā-whiti ki konei.
Te whakarekereke
Kei roto i What We Do in the Shadows ngā whakaaturanga auau o te toto, o te whakarekereke, o ngā vampire, o ngā werewolves hoki. Heoi anō, ka whāia te nuinga o ngā kāpeka he tino ngangahu te whakarekereke ki te whakahangareka, he pūtake whakaari pukuhohe rānei ō ērā, ka whakamāmā ai i te taumaha o te whakarekereke. Ko ētahi o ngā wā tino kaha o te whakarekereke i te kiriata ko ēnei:
- Ka ngau tētahi vampire i te kakī o tētahi tangata, he tūpono tāna pā atu ki tētahi ia-tuku kakī, nā konei ka mōnehunehu te toto
- Ka whawhai ā-ringa ngā tāngata e rua, tētahi i tētahi, ka okaina i te tuarā o tētahi ki tētahi kōpeo (ka kitea te hopu toto).
- Ka whakaaturia mō te wā poto te tuaiwi o tētahi kiripuaki e takoto ana i te papa.
- Ka kōrero tētahi kiripuaki mō tāna whakamamae i ngā tāngata i mua atu, me te whakaatu i tōna rūma whakamamae ki te minenga. Ka kitea hoki tētahi tāne e tautau ana i tētahi rūma whakamamae me ngā whara ā-toto iti, i te wā e tū ana tētahi atu tāne i tōna taha e mau ana i tētahi rākau.
- Ka whakaaturia ngā putanga o tētahi tuakanga. Ahakoa he mea pūrehurehu, ka kitea te kōpiro, te kiri ā-roto hoki o tētahi puku kāore ngā whēkau e toe ana i roto.
- Ka whakaaturia e tētahi kāpeka ngā werewolves e whakaeke ana i tētahi tangata. Ka āta whakaahuaria i muri ake, ā, ka whakaaturia te kaupēhipēhi, engari he mea pūrehurehu ōna wharanga.
- Ka kitea tētahi vampire e muramura ana, kātahi kua pakapaka atu, ahakoa ko te tino whāinga ko te pānga pukuhohe.
Te reo mōrihariha
He auau te whakapuaki i ngā kupu “f*ck,” me “sh*t,” i roto i ētahi atu kupu kangakanga.
Te ai me te kiri kau
I tētahi kāpeka, ka whakatuwheratia e Viago te kūaha ki te rūma o Vladislav, ā, ka kitea a Vladislav mai i tawhiti e awhi ā-taihema ana i ngā wāhine e toru. Kāore ērā āhuatanga e āta whakaaturia ana, ā, he tino poto te kāpeka nei.
I te wā ka mau ki te kūrae o hirikapo ētahi o ngā kaupapa:
He tepenga ō tātou katoa, ā, he mea māori noa mēnā ka taumahatia tō hinengaro i ētahi mea kua kite koe. Ki te iri tonu ētahi kaupapa ki tō hirikapo, me whai whakaaro anō te kōrerorero ki ō hoa, tō whānau rānei, ki te wetewete i ngā kaupapa i mātakihia e koe. Engari mēnā kei te pā kino tonu ki a koe, tēnā toro atu ki ētahi o ngā waea āwhina i raro nei.
Ētahi atu mōhiohio
Recent featured decisions
Violence
Whilst navigating their roles as superheroes and their newfound family bond, the Fantastic Four must defend Earth from a ravenous space god called Galactus and his enigmatic Herald, Silver Surfer.
Graphic violence
Set in Yosemite National Park, Special Agent Kyle Turner and rookie Ranger Naya Vasquez investigate the suspicious death of a woman who was discovered after she fell from the summit of El Capitan and became tangled in the safety ropes of two climbers below. As the case unfolds, buried secrets and personal trauma come to the surface.