Wednesday (te reo Māori)
NZ release: 23 November 2022
Reo Mōrihariha, taikaha Rated on: 23 November 2022
Puni 1: E Tino Pāmamae ana te Tamaiti o te Wenerei
He aha tōna kaupapa?
He mema a Wednesday o te whānau mōiriiri o ngā Addams, otirā tē taea te noho ki te kura kotahi. I muri i te panatanga mō te tuku i ngā piranha ki te whakaeke i tētahi tira whakaweti, kua tae ia ki tētahi tāone iti ki Nevermore Academy - he kura mā te rāwaho, te whanokē me te whaiwhaiā.
Taro ake ka mārama a Wednesday arā kē atu ngā āhuatanga o tēnei kura, otirā ka tino aro ia ki ētahi kōhurutanga i roto o te tāone.
Ngā meka
- He mea hanga e Alfred Gough rāua ko Miles Millar. Ko Tim Burton te ringatohu o ngā puni e whā o te waru.
- Reo Ingarihi
- Wā whakaatu: 45 mineti
- Mō te kiripuaki o Wednesday Addams tēnei whakaaturanga mai i The Addams Family, otirā he mea hanga e Charles Addams i te tuatahi.
He aha i pēnei ai te pāpātanga?
Nā Netflix tonu tēnei pāpātanga whaiaro. Ka taea e koe te rapu kōrero anō mō te pāpātanga whaiaro a ngā kaiwhakarato pāho tikinoa ki konei.
He paki whakawehi
Ko tēnei raupapatanga he whakaari pukuhohe mōkinokino, maroke hoki. Kī tonu i ngā kīrehe whaiwhaiā pēnei i te werewolf, te vampire me te siren. He matakite hoki a Wednesday, ā, ko tōna hoa haere ko Thing, he ringa motu, otirā he hoa nō te whānau. I muri i tētahi tukinga motokā, ka whakaaturia he tangata kua whati nei te kakī.
Tērā pea he tino mataku te āhua o ngā whakaaturanga mōkinokino mā te hunga tamariki, otirā he hōhonu rawa pea ngā pukuhohe maroke.
Te taikaha
Kei roto i te puni tuatahi ētahi whakaeke ā-toto, me ngā wharanga.
Ka hāparangi tētahi tama i maringitanga o āna toto i a ia e whakaeketia ana e te piranha. Ka whakaekea he tangata i rō ngahere e tētahi taniwha porehu. Nō muri ka kitea tana pīkau e tōpunitia ana e te toto. Ka kitea hoki te taikaha e pā ana ki te mahi whakaweti, tae atu ki te tukinga o tētahi mōkai hikutimo e ētahi pahikara.
Te reo mōrihariha
He reo mōrihariha kei roto i tēnei puni, engari ehara i te reo tino kino nei. Ka whakaatuhia e Thing tana matimati ki tētahi tangata, otirā ko te tikanga he hātekēhi, engari he mōrihariha pea ki ētahi.
Te whakawiri
Ka pāmamae pea te tamariki i te whakawiri o ētahi o ngā tāngata whakaweti, kua wheako i te whakaweti, ka tere pāmamae rānei i ngā kupu kino.
He mōhiohio anō
Recent featured decisions
Sexual material, sexual violence & offensive language
After twenty years spent “chillin’, tokin’ and bonin’”, Ali G is shocked to discover that his long-term girlfriend, Julie, is 8 months pregnant. Faced with an extra mouth to feed, he heads to America to reclaim his former glory… but soon encounters adversaries who will ultimately threaten his and his child’s very existence.
The Diplomat, Season 4
Season 4
Offensive language and violence
Ambassador and Second Lady Kate Wyler works desperately behind the scenes to ensure peace between major nations – and her marriage – in the fourth season of the acclaimed drama.