Wednesday (te reo Māori)
NZ release: 23 November 2022
Reo Mōrihariha, taikaha Rated on: 23 November 2022
Puni 1: E Tino Pāmamae ana te Tamaiti o te Wenerei
He aha tōna kaupapa?
He mema a Wednesday o te whānau mōiriiri o ngā Addams, otirā tē taea te noho ki te kura kotahi. I muri i te panatanga mō te tuku i ngā piranha ki te whakaeke i tētahi tira whakaweti, kua tae ia ki tētahi tāone iti ki Nevermore Academy - he kura mā te rāwaho, te whanokē me te whaiwhaiā.
Taro ake ka mārama a Wednesday arā kē atu ngā āhuatanga o tēnei kura, otirā ka tino aro ia ki ētahi kōhurutanga i roto o te tāone.
Ngā meka
- He mea hanga e Alfred Gough rāua ko Miles Millar. Ko Tim Burton te ringatohu o ngā puni e whā o te waru.
- Reo Ingarihi
- Wā whakaatu: 45 mineti
- Mō te kiripuaki o Wednesday Addams tēnei whakaaturanga mai i The Addams Family, otirā he mea hanga e Charles Addams i te tuatahi.
He aha i pēnei ai te pāpātanga?
Nā Netflix tonu tēnei pāpātanga whaiaro. Ka taea e koe te rapu kōrero anō mō te pāpātanga whaiaro a ngā kaiwhakarato pāho tikinoa ki konei.
He paki whakawehi
Ko tēnei raupapatanga he whakaari pukuhohe mōkinokino, maroke hoki. Kī tonu i ngā kīrehe whaiwhaiā pēnei i te werewolf, te vampire me te siren. He matakite hoki a Wednesday, ā, ko tōna hoa haere ko Thing, he ringa motu, otirā he hoa nō te whānau. I muri i tētahi tukinga motokā, ka whakaaturia he tangata kua whati nei te kakī.
Tērā pea he tino mataku te āhua o ngā whakaaturanga mōkinokino mā te hunga tamariki, otirā he hōhonu rawa pea ngā pukuhohe maroke.
Te taikaha
Kei roto i te puni tuatahi ētahi whakaeke ā-toto, me ngā wharanga.
Ka hāparangi tētahi tama i maringitanga o āna toto i a ia e whakaeketia ana e te piranha. Ka whakaekea he tangata i rō ngahere e tētahi taniwha porehu. Nō muri ka kitea tana pīkau e tōpunitia ana e te toto. Ka kitea hoki te taikaha e pā ana ki te mahi whakaweti, tae atu ki te tukinga o tētahi mōkai hikutimo e ētahi pahikara.
Te reo mōrihariha
He reo mōrihariha kei roto i tēnei puni, engari ehara i te reo tino kino nei. Ka whakaatuhia e Thing tana matimati ki tētahi tangata, otirā ko te tikanga he hātekēhi, engari he mōrihariha pea ki ētahi.
Te whakawiri
Ka pāmamae pea te tamariki i te whakawiri o ētahi o ngā tāngata whakaweti, kua wheako i te whakaweti, ka tere pāmamae rānei i ngā kupu kino.
He mōhiohio anō
Recent featured decisions
Offensive language, discrimination and sexual references
Louis Theroux dives into the world of extreme online influencers and content creators who are reshaping ideas about modern masculinity. Along the way, he explores why these attitudes resonate and how these figures are shaping the values of young men.
The Pitt, Season 2
Episode 1-7
Content that may disturb, drug references, offensive language, violence, nudity, sexual violence themes, dangerous behaviour
The second season of a drama series that follows the daily lives of healthcare professionals in a Pittsburgh hospital. They juggle personal crises, workplace politics, and the emotional toll of treating critically ill patients, revealing the resilience required in their noble calling.