Waru (te reo Māori)
NZ release: 02 August 2017
He taikaha, he reo mōrihariha, he kāpeka ai, he ihirangi hoki ka whakararu pea i te tangata. Rated on: 31 July 2017
He aha te kaupapa?
I muri iho i te matenga hanga aroha o tētahi tama iti, ko Waru te ingoa, i whakamatea e tana kaitiaki, ka whakaemi mai tētahi hapori tuawhenua iti ki te tangi, ki te whai kaha hoki i te kotahitanga.
Ngā meka
- Kei tēnei kiriata, e waru ngā pakiwaitara iti mō Waru i te rā o tōna tangi, nā te ringatohu rerekē i waihanga i ia pakiwaitara iti.
- Te reo Māori me te reo Ingarihi
- Wā whakaatu: 86 mineti
He aha i whiwhi ai i tēnei whakatauranga?
I whakatauhia tēnei kiriata e Te Mana Whakaatu. Ka taea e koe te rapu mōhiohio mō te hātepe whakarōpū me te whakatauranga ki konei.
He ihirangi ka whakararu pea i te tangata
Ka ngaukino pea ngā kaupapa o te whakarekereke ā-whare me te tūkinotanga tamariki ki ngā kaimātakitaki. Kei roto i tētahi o ngā kāpeka tino whakararu he taitamāhine e hoki mai ana ki te kāinga i muri i te pāti, ā, e mārama ana kua waiho noa e ia te pēpi ki te kāinga. E tino haurangi ana ia, ā, ka whakawhara ia i a ia anō i tana whakamātau ki te maoho ki te kāinga.
Te whakarekereke
Ahakoa he iti noa te taikaha i kitea i runga i te mata whakaata, ka aro a Waru ki ngā kaupapa whānui o te tūkinotanga tamariki me te taikaha ā-whare e pāmamae ana pea ngā kaimātakitaki.
I tētahi kāpeka, ka riri atu tētahi kiripuaki ki āna tamariki, ā, ka pana ia i tētāhi o rātou ki te pakitara.
Kāpeka ai
Ka ai ngā kiripuaki e rua i roto i te rūma horoi. Kāore e kitea ngā kiripuaki e kiri kau ana, engari he āhua roa tonu tēnei kāpeka, arā he āhua 60 hēkona te roa.
Te reo mōrihariha
He maha tonu ngā pekanga o ngā kupu “fuck”, “shit” me “bitch” ka whakamahia.
He waea āwhina:
Ka pāmamae pea ētahi kaimātakitaki i ngā kaupapa o te whakarekereke ā-whare me te tūkinotanga tamariki, otirā te hunga kua pāngia e ngā wheako āhua ōrite. Mēnā he taumaha ki a koe ngā mea i kite koe i runga i te mata whakaata, tēnā tonoa he āwhina. Mēnā e hiahia ana koe ki te kōrero, ko tētahi tangata rānei e mōhio ana koe:
He mōhiohio anō
Recent featured decisions
The Testaments
The Testaments Season 1 Episodes 1-4
Violence, sexual violence, offensive language, and content that may disturb
This dystopian drama follows two teenage girls, Agnes and Daisy, living in Gilead. They attend a strict school for future wives, where obedience is enforced through harsh discipline and religious teachings. As they form a close bond, they begin to question the rules and expectations placed on them.
