Uproar (te reo Māori)
NZ release: 05 October 2023
He whakarekereke, he reo mōrihariha Rated on: 05 October 2024
He aha te kaupapa?
Ko te horopaki ko te tau 1981 i te wā o ngā porotēhi mō te haerenga Springbok, ka kaha te reo o tētahi tama 17 ōna tau nā te whakaari, nā te tūtohetohe i a ia e oke ana ki tōna tuakiri, ki te kaikiri, ki ngā kawatau nō tōna whānau. Ka ako ia ki te wawao i a ia anō, i tōna whānau, i tōna anamata hoki.
Ngā meka
- I tohua e Hamish Bennett rāua ko Paul Middleditch
- Ko Julian Dennison (Hunt for the Wilderpeople), rātou ko Minnie Driver (Good Will Hunting), ko James Rolleston (Boy) ko Rhys Darby (Flight of the Conchords) ngā kaiwhakaari matua.
- Te reo Ingarihi
- Wā whakaatu: 105 mineti
He aha i whiwhi ai i tēnei whakatauranga?
I whakatau whakawhitihia tēnei kiriata e te Film and Video Labelling Body. Ka taea e koe te rapu mōhiohio anō mō te whakatauranga ā-whiti ki konei.
Te whakarekereke
I roto i te kiriata nei ngā kāpeka o te riri ā-pirihimana i roto i ngā porotēhi, tae atu ki ngā wā o te whakaweti, o ngā whawhai ā-tinana hoki, e whakaaturia nei ngā whakatete ā-pāpori o te wā o te haerenga Springbok i te tau 1981. Ahakoa he kaha te pānga ā-kare-ā-roto o ēnei kāpeka, he hononga hoki ki ngā pānga ā-hītori, ehara i te mea he tino ngangahu te whakarekereke. Ko tētahi tauira o te whakarekereke ko tēnei:
- I roto i ngā porotēhi, ka takahia ngā tāngata, ka whanaia, ka mekehia hoki, ā, ka whakamahia ngā rākau pērā i ngā hauhau. I muri ake e whakaaturia nei ngā tāngata e takoto ana i te whenua he toto i a rātou.
Te reo mōrihariha
Arā te reo mōrihariha pērā i te “sh*t,” “bullsh*t,” “ass” me te “crap.” Ka kitea te kupu “f**k” ki te pakitara ki te toi karawhiti. Ka rehua hoki te toi karawhiti kaikiri ki tētahi whare.
I te wā ka mau ki te kūrae o hirikapo ētahi o ngā kaupapa:
He tepenga ō tātou katoa, ā, he mea māori noa mēnā ka taumahatia tō hinengaro i ētahi mea kua kite koe. Ki te iri tonu ētahi kaupapa ki tō hirikapo, me whai whakaaro anō te kōrerorero ki ō hoa, tō whānau rānei, ki te wetewete i ngā kaupapa i mātakihia e koe. Engari mēnā kei te pā kino tonu ki a koe, tēnā toro atu ki ētahi o ngā waea āwhina i raro nei.
Ētahi atu mōhiohio
Recent featured decisions
Offensive language and violence
A thriller about the making of a real-life killer: Ted Kaczynski. He transformed from a Harvard prodigy into the infamous Unabomber, who carried out a nationwide bombing campaign in the US from 1978 to 1995, killing three people and injuring 23.
Sex scenes
To convince her best friend she's moved on from her crush, Stanford PhD student Olive impulsively kisses the campus's most intimidating professor, sparking a fake relationship that soon feels anything but pretend.