The Dead Lands (te reo Māori)
NZ release: 30 October 2014
Te whakarekereke ngangahu Rated on: 03 September 2014
He aha te kaupapa?
Ka hoake tētahi rangatahi Māori, ko Hongi tōna ingoa, i te haerenga ki ngā whenua e rāhuitia ana, i reira ka piri tahi ia ki tētahi toa porehu hei utu i te matenga o tōna matua, hei whakaaio i ngā wairua o tōna iwi.
Ngā meka
- I tohua e Toa Fraser
- Ko Te Kohe Tuhaka, rātou ko James Rolleston, ko Lawrence Makoare, ko Darneen Christian ngā kiripuaki matua
- Te reo Māori
- Wā whakaatu: 103 mineti
He aha i whiwhi ai i tēnei whakatauranga?
I whakatauria tēnei kiriata e Te Mana Whakaatu. Ka taea e koe te rapu mōhiohio atu anō mō te hātepe whakarōpū me te whakatauranga ki konei.
Te whakarekereke ngangahu
I roto i te kiriata nei te whakarekereke ngangahu, te tūkino hoki, ā, he kāpeka whawhai i waenga i ngā iwi e puta mai ai ngā wharanga ā-tinana taumaha ki ngā kiripuaki, ā, ko ētahi ka hemo rawa.
Ka okaina ngā kiripuaki ki ngā rākau hāpūpū, tae atu ki ngā taiaha, ki ngā mere rānei – ka rangona ngā oro pakē nui, ā, ka āta whakaaturia ētahi toto.
Ko ētahi o ngā wā e tino kaha ana te whakarekereke ko ēnei:
- Ka pōutoa te kakī o tētahi kiripuaki
- Ka whati tētahi kiripuaki tāne i te kakī o tētahi kiripuaki wahine
- Ka tapahi tētahi kiripuaki i te ringa o tētahi tāne kua hemo rawa
Ka kōrerotia te kai tangata, ā, ka āta whakaaturia ki ngā kāpeka e rua, i roto rā i tētahi ko ngā kiripuaki e inu toto ana i te korokoro o tētahi tangata.
I te wā ka mau ki te kūrae o hirikapo ētahi o ngā kaupapa:
He tepenga ō tātou katoa, ā, he mea māori noa mēnā ka taumahatia tō hinengaro i ētahi mea kua kite koe. Ki te iri tonu ētahi kaupapa ki tō hirikapo, me whai whakaaro anō te kōrerorero ki ō hoa, tō whānau rānei, ki te wetewete i ngā kaupapa i mātakihia e koe. Engari mēnā kei te pā kino tonu ki a koe, tēnā toro atu ki ētahi o ngā waea āwhina i raro nei.
Ētahi atu mōhiohio
Recent featured decisions
Offensive language and violence
A thriller about the making of a real-life killer: Ted Kaczynski. He transformed from a Harvard prodigy into the infamous Unabomber, who carried out a nationwide bombing campaign in the US from 1978 to 1995, killing three people and injuring 23.
Sex scenes
To convince her best friend she's moved on from her crush, Stanford PhD student Olive impulsively kisses the campus's most intimidating professor, sparking a fake relationship that soon feels anything but pretend.