The Dark Horse (te reo Māori)
NZ release: 17 July 2017
Te whakarekereke, te reo mōrihariha me te mahi pūroi Rated on: 03 October 2017
He aha te kaupapa?
He whakaari kōrero-pono The Dark Horse mō Genesis Potini, he kaitākaro whaikīngi rongonui e pāngia ana ki te māuiui whaiaro rua, ā, kua arohia ngā tino wero puta noa i tōna ao. Ka whai take ia, ka whai rongoā hoki mā te whakaruruhau i ngā taiohi e whakaraerae ana i a ia e whakahaumaru ana i tāna irāmutu i te ao o te kēnge.
Ngā meka
- I tohua e James Napier-Robinson
- Ko Cliff Curtis, rātou ko James Napier-Robinson, ko James Rolleston, ko Wayne Hapi, ko Jim Marbrook ngā kaiwhakaari matua
- Te reo Ingarihi
- Wā whakaatu: 124 miniti
- I takea mai i te kōrero ao-tūturu mō Genesis Potini
- I whakawhiwhia ki te Whakaari Tino Pai, ki te Whakaaritanga Tino Pai, ki te Kaiwhakaari Tino Pai, ki te Kaiwhakaari Tautoko Tino Pai, ki te Puoro Tino Pai hoki ki ngā 2014 New Zealand Film Awards
He aha i whiwhi ai i tēnei whakatauranga?
I whakatauria i rō-whare: I whakarōpūhia tēnei kiriata e Te Mana Whakaatu. Ka taea e koe te rapu mōhiohio atu anō mō te hātepe whakarōpū me te whakatauranga ki konei.
Te whakarekereke
I roto i te kiriata ko te whakarekereke tino pono te āhua, ko te whakarekereke tino taumaha hoki ngā kare ā-roto e whakaaturia nei ngā āhuatanga taumaha ka arohia e ngā kiripuaki. Kāore i te tino whakaaturia, engari e tautoko nei i te wairua, i ngā kaupapa taumaha o te kōrero. Ko ētahi tauira o te whakarekereke ko ēnei:
- Ka mekengia tētahi kiripuaki ki te kanohi, ka patua ki te paipa.
- Ka whakairihia e tētahi mema kēnge te "V" ki te kanohi o tētahi kiripuaki hei wāhanga o tōna kuhunga atu ki te kēnge.
- Ka whakaaturia tētahi kiripuaki rangatahi me ngā marū ki tōna kanohi, ānō nei kua patupatua.
Te reo mōrihariha
Ka whakapuakina auautia te reo mōrihariha e ngā tamariki, e ngā pakeke hoki, tae atu ki te “f**k,” “sh*t,” “pisshead” me te “asshole.” Ka whakapuakina te kupu "retard" ki te āhua tūkino.
Te mahi pūroi
Ka kitea ngā kiripuaki rangatahi e inu waipiro ana, e kai tarukino ana i ētahi wā.
I tētahi horopaki, ka whakamahia e te kiripuaki te paipa pōau-pī, engari kāore e nui ngā taipitopito i tēnei kāpeka.
I te wā ka mau ki te kūrae o hirikapo ētahi o ngā kaupapa:
He tepenga ō tātou katoa, ā, he mea māori noa mēnā ka taumahatia tō hinengaro i ētahi mea kua kite koe. Ki te iri tonu ētahi kaupapa ki tō hirikapo, me whai whakaaro anō te kōrerorero ki ō hoa, tō whānau rānei, ki te wetewete i ngā kaupapa i mātakihia e koe. Engari mēnā kei te pā kino tonu ki a koe, tēnā toro atu ki ētahi o ngā waea āwhina i raro nei.
Ētahi atu mōhiohio
Recent featured decisions
Violence, sex scenes, offensive language, nudity & wound detail
In 1950’s New York, shoe salesman Marty Mauser chases his dream to become a table tennis champion regardless of the cost to those around him.
