Moana (te reo Māori)
NZ release: 11 September 2017
Ka mataku pea ngā tamariki nohinohi i ētahi kāpeka Rated on: 06 September 2019
He aha te kaupapa?
Nō te mākututanga o te motu o Moana e Māui Tipua, ka whakautu ia i te inoi a te Moana kia kimihia e ia te Tipua ki te whakatikatika i tēnei āhuatanga me te whakaora i tana iwi.
Ngā meka
- Ko Ron Clements, rātou ko John Musker, ko Don Hall ngā ringatohu (Aladdin, Big Hero 6)
- Te reo Ingarihi
- Wā whakaatu: 107 mineti
- I tukuna e Disney he putanga i te Reo Māori o tēnei kiriata i te taha o Matewa Media.
He aha i whiwhi ai ia i tēnei whakatauranga?
I whakatau whakawhitihia tēnei kiriata e te Film and Video Labelling Body. Ka kitea ētahi kōrero anō mō te whakatauranga whakawhitinga i konei.
Ngā whakaahua me ngā kāpeka whakamataku
Whakamōreatia ai ngā kiripuaki. Hei tauira, ka tau iho he pōkai taniwha, ka whāia ētahi kiripuaki tokorua. Kāore e whakaaturia ētahi wharanga, taotū rānei.
Ka kitea ngā kiripuaki e pakanga ana ki ētahi nauhea ao pohewa. He anuanu tētahi nauhea tahepuia nunui, he kurakura, he muramura hoki ngā kanohi, i a ia e whawhai aungarea ana ki a Māui. Ahakoa ka whakamaurutia ngā whakawehi nei e ngā hoahoa hākori, ka mataku tonu pea ētahi kaimātakitaki nohinohi.
Ngā kāpeka whakaaroha
He wā whakaaroha te matenga o Tala, te kuia o Moana, ā, ka pōuri pea ngā tamariki nohinohi, otirā ka puta ētahi kaupapa hōhonu pēnei i te ngaronga, te mamae, me te matenga o tētahi e arohanuitia ana.
Ētahi atu mōhiohio
