Māui's Hook (te reo Māori)
NZ release: 28 July 2018
Te whakamomori, te reo mōrihariha Rated on: 04 July 2018
He aha te kaupapa?
Ka tūtaki tētahi tāne i te haerenga mā runga huarahi i ngā tāngata nō ngā whānau e rima e tangi nei kua ngaro i a rātou tētahi tangata āroharoha i te whakamomori. Ka whakapuaki kōrero rātou, ka aro atu ki te whētuki, ka rapu i te rongoā.
Ka tūhuratia e te kiriata te pānga hōhonu o te whakamomori ki ngā whānau, ki ngā hapori, inarā ki te Māori, ā, ka whāia te koti i te ngū mō tēnei take.
Ngā meka
- Ka tohua e Paora Joseph.
- Te reo Māori me te reo Ingarihi
- Wā whakaatu: 91 miniti
He aha i whiwhi ai i tēnei whakatauranga?
I whakatauria tēnei kiriata e Te Mana Whakaatu. Ka taea e koe te rapu mōhiohio mō te hātepe whakarōpū me te whakatauranga ki konei.
Te whakamomori me te tūkino i a koe anō
Ka hanumitia e te kiriata nei te kōrero paki me ngā wheako nō te ao tūturu e arotahi ana ki te whakamomori, ā, ka āta kōrerorerohia. Ehara te whāinga i te whakanui i te whakamomori; engari kē ia kua hangaia mā te hunga kua pāngia ō rātou ao e te whakamomori, ā, e whāia ana te whakapiki i te māramatanga, te āki hoki i ngā kōrerorero tuwhera, āroharoha hoki.
I ngā uiui, ka whakapuakina e ngā tāngata te ngarotanga atu o te tangata i arohaina nā te whakamomori, ā, ka huritaohia te pānga ki a rātou, ki ō rātou whānau, ki ō rātou hapori hoki. He taumaha ngā kare ā-roto, ā, ka pāmamae pea ngā kaimātakitaki kua pāngia e te whakamomori.
I roto i te kiriata nei te whakaaritanga o ngā kiripuaki e rua ka whakamātau i te whakamomori. E noho ana tētahi kiripuaki i te waka, e mau ana i te naihi, ā, kātahi ka mōnehunehu te matapihi i te toto. Ka tatutatu atu ia i te waka, he iti noa te toto ki ōna ringaringa. Ahakoa te kitenga atu i a ia i ngā kāpeka o muri mai, nāwai ka whakakitea i eke tana whakamātau ki te whakamomori. Ko tā tētahi atu kiripuaki he tīkaro i tōna ringa ki te maramara karaehe, heoi he ohorere te kati, ā, ā muri ake ka whakaaturia e ora pai ana.
Te reo mōrihariha
Ka whakapuakina te kupu “f**k” hei whakapuaki i te auhi, ā, i te whakawhitinga kōrero noa hoki.
Te mahi pūroi
Ka kitea tētahi o ngā kiripuaki e whakaaritia ana me te paipa karaehe ki tōna waha, kātahi ka whakangā ia i te auahi. Ka kuhu mai tōna hoa, ka hīkina tētahi bong te āhua nei, ā, ka mea atu "what the f**k is this?"
He waea āwhina:
Ka pāmamae pea ētahi kaimātakitaki i te whakamomori, inarā te hunga kua pāngia e ngā wheako āhua ōrite. Mēnā he taumaha ki a koe ngā mea i kite koe i runga i te mata whakaata, tēnā tonoa he āwhina. Mēnā e hiahia ana koe ki te kōrero, ko tētahi tangata rānei e mōhio ana koe:
Ētahi atu mōhiohio
Recent featured decisions
Domestic violence, offensive language, sexual violence themes
This docuseries digs into the long-running allegations tied to Sean “Diddy” Combs and the rise of his Bad Boy empire, covering decades of fame, power, and controversy.
Offensive language, sex scenes, sexual references, drug use
Two rival hockey stars at the peak of their careers suddenly catch feelings for each other, throwing a massive curveball into their professional lives and the expectations of the sport.