Ka Whawhai Tonu (te reo Māori)

NZ release: 09 April 2024

He taikaha, he reo mōrihariha me ngā ihirangi ka whakararu pea i te tangata Rated on: 27 June 2024

Struggle Without End

ka whawhai tonu

He aha te kaupapa?

Nō te tau 1864 i Aotearoa, ka kōrero a Ka Whawhai Tonu mō tētahi pakanga nui i ngā pakanga whenua tōmua i roto i te rohe o Waikato. Ka whakaatu i te toheriri i waenga i ngāi Māori me ngā taua Koroniara, ā, tūpono noa ētahi rangatahi tokorua ki te mura o te ahi.

Ka pāmamae pea, ka whakapātaritaritia rānei ngā kaimātakitaki e whai ana i te whakapapa Māori, otirā ngā uri o ngā tīpuna i whawhai i tēnei pakanga whenua, i tētahi o ngā pakanga whenua maha o mua, nā runga anō i te ngoto o te kōrerotanga anō o te hītori i roto i tēnei kiriata.

Ngā meka

  • Ko Michael Jonathan te ringatohu
  • Ko Temuera Morrison rātou ko Miriama Smith, ko Cliff Curtis ngā kaiwhakaari matua
  • Te reo Māori me ngā kupu hauraro ki te reo Ingarihi
  • Te kiriata reo Māori tuatahi o Aotearoa kua eke ki te roa o ngā kiriata matua.
  • Wā whakaatu: 115 mineti

He aha i whiwhi ai i tēnei whakatauranga?

I whakatau whakawhitihia (cross-rated) tēnei kiriata e te Film and Video Labelling Body. Ka taea e koe te rapu mōhiohio mō te whakatau whakawhiti ki konei.

Te whakarekereke

He maha ngā whawhai me ngā pakanga kāpeka me te taikaha o roto, ā, he tino whakaahuatanga nō ētahi.

Ko ētahi o ngā kāpeka whakawero:

  • Ka mate tētahi wahine ina okaina ana i ētahi wā ki tētahi pēneti. Kāore i kitea te urunga o te pēneti, engari ka whakaaturia tōnā tīnana e hinga ana me te toto kei ōnā kākahu i muri i te whakaekenga.
  • Ka āki tētahi tāne i tana tama kia pupuhi i tētahi tamaiti. Ahakoa kāore e kitea e koe te puhinga o te tamaiti, ka ohorere pea te kaimātakitaki i te poho tārewa e piki ana i mua i te puhinga a te tama i te pū.
  • I tētahi kāpeka whawhai, ka whakamahia tētahi heru kōiwi ki te wero i tē korokoro o tētahi tangata. Ahakoa ka kapi te tūnga i te ringa, he nui tonu ngā toto i whakaatuhia, ā, ka taea te rongo te werohanga.
  • He kāpeka pakanga hira, tokomaha ngā tāngata i pūhia, i werohia rānei, ā, he nui te toto e kitea ana.

Te reo mōrihariha

Kei roto i tētahi kāpeka ngā kupu “f*ck” me “fucking”. Ka kōrerotia ngā kupu āhua kino pērā i te “bastard” me te “bloody”.

He ihirangi hei whakararu pea

He maha ngā wā ka mamae, ka kōhurutia, ka mate rānei ngā māmā me ngā tamariki, ā, he mea pāmamae pea ki ētahi kaimātakitaki. I te kāpeka ka werohia te wahine ki tētahi pēneti, i mua tata iho i te tangi ia ki tana tamaiti kua hinga.

He waea āwhina:

Ka pāmamae pea ētahi kaimātakitaki i te taikaha i roto i tēnei kiriata. Mēnā he taumaha ki a koe ngā mea i kite koe i runga i te pouaka whakaata, tēnā tonoa he āwhina. Mēnā e hiahia ana koe ki te kōrero, ko tētahi tangata rānei e mōhio ana koe:

Recent featured decisions

13 May 2025

Violence, cruelty, offensive language, sex scenes and content that may disturb

When savvy surfer Zephyr is abducted and held captive on a boat by a shark-obsessed serial killer, she must find a way to escape before becoming part of his ritualistic feeding to the sharks below.

Read more

13 June 2025

Offensive language

This documentary questions the price of ambition as it follows the OceanGate five-person submersible’s deep-sea dive which ended in tragedy when it imploded during a visit to the Titanic in 2023.

Read more