Guillermo del Toro’s Pinocchio (te reo Māori)
NZ release: 24 November 2022
Te takiaha, te whakawiri me ngā kaupapa whakamanioro Rated on: 14 November 2022
He aha tōna kaupapa?
He whakaaturanga neke-tū, hākori pohewa me te puoro hoki, otirā ko tēnei Pinocchio hou he putanga mōkinokino ake o te pakiwaitara tamariki taketake. Ka tū i ngā tau 1930 i Itari, ka whakaorangia tētahi karetao a Pinocchio, hei hiki i te wairua o tētahi matua e noho mōhū ana i te matenga o tana tama.
- Ringatohu: Guillermo del Toro
- Reo Ingarihi
- Wā whakaatu: 117 mineti
- He kōrero mōkinokino hou o te pakimaero taketake Itāriana o te tau 1883.
He aha i pēnei ai te pāpātanga?
I kōmakatia tēnei kiriata e Te Mana Whakaatu.
He paki whakawehi
He mōkinokino te āhua o te kiriata. Haere ai a Pinocchio ki te pō otirā ko te matenga tētahi kaupapa nui.
Ka kitea ētahi kīrehe pohewa hākori i roto i te kiriata, ko ētahi he pai, ko ētahi he kino anō. He kīrehe i hangaia i te rākau e noho ana i te pō, otirā he muramura ngā kanohi, he kīrehe te āhua o te kanohi, pēnei i te pihipihi, ngā maikuku me te waero i hangaia i te nākahi. Tērā hoki ngā rāpeti kōhiwihiwi e muramura ana ngā kanohi, me tētahi makimaki weriweri, e kāpuapua nei tētahi whatu. Ka mau a Pinocchio rāua ko Geppetto i roto i tētahi taniwha e rite ana ki te tohorā, he nui te waha, me ngā rārangi niho koi.
Te whakawiri
He paku mahi whakaweti kei roto i te kiriata. Ka whakaiti te iwi i tētahi tangata i te matenga o tana tama, me te tāwai i a ia e noho pouri ana. I te wā ka tīhoihoi a Pinocchio, ka whakaritea a ia ki te tama a te tangata rā, otirā ka pāmamae te karetao.
I te kuhunga o Pinocchio ki tētahi maninirau, he whakawiri te āhua o te hunga rā ki a ia, otirā ka whakamahia kia pau rā anō tana hau e te māhita.
Te taikaha
E hia ngā wā ka kōhurutia a Pinocchio, he mea toremi, i pūhia, i pahūtia, otirā i tukia e te motokā. Kāore i whakaatuna he toto, he wharanga rānei.
I tētahi o ngā kāpeka ka herea a Pinocchio ki te rīpeka e tū ana ki te ahi, otirā ka tahuna. Ka takaoreore a Pinocchio i te wā e tere ana te ahi ki ōna waewae. Nā te makimaki a Pinocchio i whakaora i mua o tana tūkinotanga, otirā ka whakaeke i tana māhita, ka ngau, ā, ka huhuti i a ia i mua o te takanga o te tokorua i te pari. Ka paku noa te whakaatu i ō rātou tinana i runga i ngā toka.
Ko te tikanga o te āhua o te hākori i roto i te kiriata, kāore e pērā rawa te kaha o te pāmamae o te tangata, tēnā i te whakaaturanga ake i roto i tētahi kiriata mataora nei. Engari e kitea ai te kaupapa o te mate i roto i te kiriata. Ko te tikanga o tērā, he pai ake te mātakitaki ngātahi hei whānau, kia pai ai te kōrero i ētahi o ngā kaupapa me ngā kāpeka mōkinokino ake.
He mōhiohio anō
I tae ake ētahi o ngā mema o te Pae Tohutohu Rangatahi ki tā mātou whakaaturanga kōmakatanga. I kōrerotia e rātou te āhuatanga whakararu pea o te wairua mōkinokino, te whakawiri me ngā kaupapa o te mate me te whakaari mariko mō ngā tamariki.
Recent featured decisions
The F Ward
The F Ward episode 1
Content that may disturb, offensive language, suicide themes, and sexual themes
Episode 1 of the new 6-part Australian medical drama The F Ward. A cohort of medical interns join underfunded Pines Hospital in Sydney for their final chance to complete their training.
Violence
After changing the past Red and Chloe believe they have fixed everything, but their actions have unexpected consequences. When a new villain, Maddox Hatter, threatens Wonderland by capturing the Queen of Hearts, the pair must team up with new allies to save Wonderland and restore the timeline.