Coco (te reo Māori)
NZ release: 13 July 2023
Rated on: 13 July 2023
He aha te kaupapa?
E tōmina ana a Miguel ki te haere hei tohunga puoro, engari kua whakakāhoretia e tōna whānau. I muri i ētahi āhuatanga, ka tae atu ia ki te Whenua o te Mate, i reira rā ka mahi tahi rāua ko Hector ki te tūhura i te tika mō te hītori o tōna whānau.
Ngā meka
- Te putanga reo Māori o te kiriata ā-whānau a Pixar i toa i ngā tohu Oscar a Coco
- He mea whakahaere e Lee Unkrich (Toy Story 3) rāua ko Adrian Molina
- Wā whakaatu: 105 mineti
- He kiriata hākori nā te whare hākoritanga o Pixar (Inside Out, Soul, Luca)
He aha i whiwhi ai ia i tēnei whakatauranga?
I whakatau whakawhitihia tēnei kiriata e te Film and Video Labelling Body. Ka kitea ētahi kōrero anō mō te whakatauranga whakawhitinga i konei.
Ngā whakaahua whakamataku
Kei roto i te kiriata ko ētahi whakaahua ka whakamataku pea i ngā tamariki pakupaku pērā i ngā anga kōiwi e horo ana me te whakatū anō. He mea whakakata te āhua o ngā wāhanga whakamataku.
Tērā tētahi kararehe nui, he kaiārahi wairua, a Pepita, ā, he whakapakoko kararehe he āhua rite ki tētahi ngeru tino nui me tētahi kāhu whai whiore pēnei i tō te mokomoko. He kaitā tēnei kararehe, he whakawehi hoki. Ka kite tātou i tērā e ngengere ana, e turapa ana, ā, ka ohorere pea ngā kaimātakitaki tamariki ake i tana horu.
Ka mate tētahi kiripuaki i te paitini. Ka kite anō tātou i tētahi kiripuaki e whiua ana i tētahi pari teitei. Ka whētuki, ka mataku pea i ēnei kāpeka ngā kaimātakitaki tamariki ake.
Te whakarekereke
Ka puta he whakarekereke i ētahi wā, pērā i ngā tāmitanga e rua o tētahi kiripuaki e tētahi pere. Ka tino wāhia e tētahi kiripuaki te kita a Miguel i tētahi tohetohe nui.
Ētahi atu mōhiohio
Recent featured decisions
Violence, offensive language, drug use and content that may disturb
Hank Thompson, a burned-out former baseball player, is suddenly pulled into a deadly fight for survival in the criminal underbelly of 1990s New York, forced to navigate an underworld he never thought he’d enter.
Violence
While working on a humanitarian placement in French Guiana, UK Prime Minister Abigail Dalton’s husband, Dr. Alex Anderson, is kidnapped. At the same time, French President Vivienne Toussaint is blackmailed, forcing the two leaders, despite their rivalry, into a dangerous political showdown where every choice comes with devastating consequences.