Boy (te reo Māori)

NZ release: 25 March 2010

Te mahi pūroi, te reo mōrihariha Rated on: 25 March 2010

Boy

He aha te kaupapa?

Tērā tētahi tama kua 11 tau te pakeke, ko Boy tōna ingoa, ka tūtaki ki tana matua kua roa e ngaro ana, me te aha, ka whai wāhi ki te hono ki te tāne kāore nei ia i tino mōhio i mua.

Ngā meka

  • Ko te ringatohu ko Taika Waititi (Jojo Rabbit, Thor: Ragnarok)
  • Te reo Pākehā
  • Wā whakaatu: 84 mineti
  • Ko James Rolleston rāua ko Taika Waititi ngā kaiwhakaari matua
  • Koinei tētehi o ngā kiriata i tino kaha katoa te hokona o ngā tīketi, o ngā kiriata katoa kua puta i Aotearoa (Flicks.co.nz)

He aha i whiwhi ai i tēnei whakatauranga?

I whakatauria tēnei kiriata e te Film and Video Labelling Body.

Te pūroi

Ka kitea ētahi tamariki e kohikohi ana i ngā tipu tarukino. He mahi whiwhi moni tērā mā tētahi o rātou.

I tētahi o ngā kāpeka, ka whakarite tētahi o ngā kiripuaki i tētahi hikareti tarukino, kātahi ka momi ia i te hikareti. I ngā kāpeka whai muri mai, ka kitea te kiripuaki e momi haere ana i taua tarukino.

Te whakawetiweti

E whakawetia ana a Boy i te kura. I roto i tētehi kāpeka poto, ka mau ia, ā, ka riringihia e tētehi tama anō he wai ki tana tarau poto, ki te takiwā o ōna taihemahema, kia rite ai te āhua ki te mimi.

I tētehi kāpeka, ka whakatoi te kaiwhakaweti i ētahi o ngā tamariki i roto i te akomanga. Ka whakatoi ia i tētahi o ngā ākonga mō tōna āhua me tana hononga ki a Boy, me te kī kua pāngia e te mate ārai-kore. I muri mai i tērā, ka whakatoi te kaiwhakaweti i te whaea o Boy, me te aha, ka whawhai rāua.

I muri mai, ka hopukina, ka whakawehia a Boy e te tuakana o te kaiwhakaweti. Ko tana kupu whakawehi ka kotia ngā raho o Boy.

Te whakarekereke

Ka haupapatia e te matua o Boy ngā tamariki nā rātou rā tana tamaiti i whakaweti. Ka whakawehi ia i a rātou, me te whiuwhiu haere i tana machete. He kāpeka whakakata tēnei, engari he āhua whakamataku anō hoki pea.

I tētehi kāpeka, ka tukia tētahi kaitākaro whutupaoro e tētahi kiripuaki, ā, ka hinga mauri moe ki runga i te putunga o ngā kaitākaro kua mauri moe kē. I muri tata mai, ka puta poka noa te kiripuaki i te whare herehere, me te whiu i tētehi pune mētara ki te kaitiaki. Ka poka te pune i te whatu o te kaitiaki. Ka kitea te toto e rere ana i te tūnga, ahakoa kua uhia. Ka raru te ngākau o ētehi i te tirohanga atu.

He kaupapa/kōrero mō te ai

Ka whakaatu tētehi kiripuaki i te āhua o tana whakapoapoa i ngā kōtiro, arā, he whakataruna anō nei kei te mataku ia i ngā tarau roto, i runga i te tūmanako ka whākina atu ō rātou tarau roto ki a ia.

E hē ana ngā kōrero ārahi a te pāpā o Boy ki a ia. Ko tāna, me kaua e hapū ngā kōtiro i a Boy, engari me kī atu ia kia whakaaturia tana ure ki a rātou. I tētehi o ngā kāpeka o muri atu, ka kōrero pērā ia ki te kōtiro e pīrangi rā ia, me te aha, ka wehe te kōtiro i runga i te hōhā me te anuanu. Ka rangona ngā kupu “tits” me “dick”.

Te reo mōrihariha

Ka rangona ngā kupu pērā i te “bullsh*t”,“sh*t”, “f**k”, “assh*le”.

Ētahi atu mōhiohio

He aha e nui ai ngā whakatauranga me ngā whakatūpato ki a mātou ko tōku whānau?

Recent featured decisions

03 May 2024

Violence, cruelty and content that may disturb

Furiosa tries to get back home after her life is upended by the nomadic warlord Dementus.

Read more

02 May 2024

Sexual themes, offensive language

Based on the contemporary love story of the same name, The Idea of You centres on Solène (Anne Hathaway), a 40 year old single mom who begins an unexpected romance with 24 year old Hayes Campbell (Nicholas Galitzine), the lead singer of August Moon, the hottest boy band on the planet.

Read more